Studentesimposium in die Natuurwetenskappe 2017

Die jaarlikse simposium vir nagraadse natuurwetenskapstudente van universiteite en tegniese universiteite (Honneurs, MSc, PhD en ekwivalente kwalifikasies), gereël deur die Afdelings Chemiese Wetenskappe en Wis- en Natuurkunde van die Suid-Afrikaanse Akademie vir Wetenskap en Kuns, vind op 2 en 3 November 2017 plaas. 


Dit word vanjaar in samewerking met Universiteit van Pretoria aangebied en sluit 'n openingsfunksie die aand van 2 November in. Die Departement Chemie van die Universiteit van Pretoria tree as gasheer vir vanjaar se simposium op. 

Registrasie vir die simposium is reeds oop en sluit 15 September 2017 vir studente wat 'n referaat wil lewer. Persone wat slegs wil bywoon moet ook op die webblad registreer teen 20 Oktober 2017. 

Ons sien uit daarna om jou by die 2017 studentesimposium te ontvang!


Nuus - sien nuusbriewe

  • Laat registrasie en laai van opsommings

  • Hoewel die sluitingsdatum vir registrasie 15 September is, is ons bereid om laat aansoeke te oorweeg vanaf 16-22 September, onderhewig aan die bekikbaarheid van oop tydgleuwe in die verskillende sessies. So maak gerus kontak dat ons kan kyk of ons kan help. As jy gedruk is vir tyd, kontak ook gerus dat ons reëlings kan tref oor die inhandiging van opsommings.

  • Registrasiehulp

  • As dalk jy nie regkom om elektonies via die simposiumwebwerf te registreer nie, stuur 'n e-pos met die inligting hieronder aan Rudi Pretorius by pretorius_rudi@yahoo.com, dan sal ons jou registreer en jou aantekenbesonderhede per e-pos vir jou aanstuur:


    1) Wil jy 'n referaat lewer, 'n plakaat aanbied of slegs bywoon?
    2) Gaan jy die openingsfunksie die aand van 2 Nov bywoon?
    3) Gaan jy die voordragsessies op 3 Nov bywoon?
    4) E-posadres (verkieslik Gmail, Yahoo, hotmail ens):
    5) Titel (Mnr/Me/ens):
    6) Voornaam:
    7) Van:
    8) Selnommer:
    9) Posadres:
    10) Universiteit waar geregistreer:
    11) Departement:
    12) Datum van laaste keer geregistreer:
    13) Kwalifikasie waarvoor geregistreer: 
    14) Navorsingsvordering:  Begin/gevorderd/afgehandel
    15) E-posadres van studieleier


  • Registrasiewenk

  • Wanneer jy registreer, gebruik eerder 'n eposadres gekoppel aan byvoorbeeld gmail, yahoo, hotmail, ensovoorts, EN NIE jou amptelike e-posadres by die werk of universiteit nie.  Party instansies blokeer e-pos wat vanaf die simposiumwebwerf uitgestuur word en wat gebruik word om jou registrasie te aktiveer of wanneer jy jou wagwoord wil verander.

    As jy probleme met jou registrasie of die gebruik van die webwerf ondervind, moenie sukkel nie, maar kontak:

    Rudi Pretorius:  Pretorius_Rudi@yahoo.com

    Tiani Moolman:  TianiMoolman@gmail.com

  • Uitnodiging

  • Nagraadse studente van die vakgebiede/studievelde hierbo genoem, word uitgenooi om hulle navorsingsresultate by hierdie simposium as referate aan te bied. Bywoning deur studente wat nie aanbiedings doen nie, sowel as ander belangstellendes, word verwelkom.
     
    Die simposium skop Donderdagaand 2 November 2017 af met 'n spogfunksie en word op Vrydag 3 November 2017 voortgesit.
     
    'n Nie-terugbetaalbare registrasiefooi (administrasiefooi) van R215 word gehef en alle deelnemers sowel as bywoners word aangemoedig om vanaf 1 Julie te registreer. Alle verversings en etes is ingesluit en hoef nie voor betaal te word nie. 

  • Sluitingsdatums

  • Donderdag 15 September:  Vir studente wat referate wil aanbied
    Vrydag 20 Oktober:  Vir persone wat die simposium slegs wil bywoon
     
    Registrasie moet elektronies via hierdie webtuiste gedoen word.  Lees die afdeling met voorskrifte asseblief deeglik en let ook asseblief op die minimale voorafbetaalbare registrasiefooi.

  • Vakgebiede/Studievelde

  • Die vakgebiede/studievelde betrokke, sluit die volgende in:
    - Chemie
    - Biochemie
    - Metallurgie
    - Fisika
    - Wiskunde en Toegepaste Wiskunde
    - Wiskundige Statistiek
    - Operasionele Navorsing
    - Kwantitatiewe bestuur en Besluitkunde
    - Weerkunde, Oseanografie en Atmosfeerwetenskap
    - Geologie, Argeologie en Sterrekunde
    - Rekenaarwetenskap en Inligtingstelsels
    - Fisiese Geografie, Omgewingswetenskap en Geoinformatika
    - Biologiese wetenskappe
    - Ingenieurswesetoepassings van al bogenoemde vakgebiede
    - Onderrig en leer van al bogenoemde vakgebiede 

  • Facebook-bladsy

  • Besoek ons facebook-bladsy nou en wys jy hou van ons!!  
    "Studentesimposium in die natuurwetenskappe"


Wie en wat is die Suid-Afrikaanse Akademie vir Wetenskap en Kuns?

As multidissiplinêre organisasie het die Akademie ten doel om die wetenskap, tegnologie en kunste, asook die gebruik en gehalte van Afrikaans te bevorder. Die Akademie is op 2 Julie 1909 gestig en het oor die jare bekend geword weens die gereelde toekenning van literêre pryse (waarvan die Hertzogprys die bekendste is), ander prestigepryse soos die N.P. van Wyk Louwmedalje, publikasies (twee gereelde tydskrifte en talle geleentheidspublikasies), die werk van die Taalkommissie aan die standaardisering van Afrikaans, die talle vakwoordeboeke en terminologielyste wat deur lede van die Akademie opgestel en gepubliseer is en die Wiskunde- en Geskiedenisolimpiade wat aangebied word.

More Reading:

  • chief-Body

  • chimney-Brass

  • clean-Bread

  • clear-Breath

  • cliff-Brother

  • Cloth-Building

  • Coal-Burn

  • cold-Burst

  • Color-Business

  • comb-Butter

  • Hoofborge


    Adams&Adams
    Afriforum
    DM KISCH
    Eureka
    Riptide Technology

    Borge


    BlueStallion
    Leco
    Sentrum vir Tekstegnologie (CTexT) Noordwes-Universiteit
    Spoor & Fisher
    Swagelok